آئے کچھ ابر کچھ شراب آئے

آئے کچھ ابر کچھ شراب آئے

اس کے بعد آئے جو عذاب آئے

بام مینا سے ماہتاب اترے

دست ساقی میں آفتاب آئے

ہر رگ خوں میں پھر چراغاں ہو

سامنے پھر وہ بے نقاب آئے

عمر کے ہر ورق پہ دل کی نظر

تیری مہر و وفا کے باب آئے

کر رہا تھا غم جہاں کا حساب

آج تم یاد بے حساب آئے

نہ گئی تیرے غم کی سرداری

دل میں یوں روز انقلاب آئے

جل اٹھے بزم غیر کے در و بام

جب بھی ہم خانماں خراب آئے

اس طرح اپنی خامشی گونجی

گویا ہر سمت سے جواب آئے

فیضؔ تھی راہ سر بسر منزل

ہم جہاں پہنچے کامیاب آئے

Read More»

انہیں دیکھنے کی اس لئے جسارت نہیں کرتا

انہیں دیکھنے کی اس لئے جسارت نہیں کرتا

انہیں دیکھنے کی اس لئے جسارت نہیں کرتا

کیونکہ اب اشک ، چشم کی طہارت نہیں کرتا

جب سے دیکھا ہے بچہ کوڑے سے کھانا چنتے

میں کچھ بھی کھانے سے , حقارت نہیں کرتا

ہمارا حاکم جو غریبوں کے خوں پہ نادم ہوتا

توں قاتلوں کے جتھے کی صدارت نہیں کرتا

گر میری آبلہ پائی کا کچھ خیال کرتا وہ

تو سکونِ منزل، سر منزل غارت نہیں کرتا

میں جس شخص کی شہء پہ بے موت مارا گیا

وہ تو میرے مرقد کی بھی زیارت نہیں کرتا

اسے کہنا کہ کوئی اور نیا ڈھونڈ لے گاہک

کہ ساحل اب دردوں کی تجارت نہیں کرتا

Read More»

Love Poetry

کاش میں تیرے حسیں ہاتھ کا کنگن ہوتا

کاش میں تیرے حسیں ہاتھ کا کنگن ہوتا

تُو بڑے پیار سے بڑے چاوْ سے بڑے مان کے ساتھ

اپنی نازک سی کلائی میں چڑھاتی مجھ کو

اور بےتابی سے فرقت کے خزاں لمحوں میں

تو کسی سوچ میں ڈوبی جو گھماتی مجھ کو

میں تیرے ہاتھ کی خوشبو سے مہک سا جاتا

جب کبھی موڈ میں آ کر مجھے چوما کرتی

تیرے ہونٹوں کی حدت سے دہک سا جاتا

رات کو جب بھی تُو نیندوں کے سفر پر جاتی

مَرمَریں ہاتھ کا اک تکیہ بنایا کرتی

میں ترے کان سے لگ کر کئی باتیں کرتا

تیری زلفوں کو تیرے گال کو چوما کرتا

جب بھی تو بند قبا کھولنے لگتی جاناں

کاپنی آنکھوں کو ترے حُسن سے خیرہ کرتا

مجھ کو بےتاب سا رکھتا تیری چاہت کا نشہ

میں تری روح کے گلشن میں مہکتا رہتا

میں ترے جسم کے آنگن میں کھنکتا رہتا

کچھ نہیں تو یہی بے نام سا بندھن ہوتا

Read More»

Love Poetry

مجھے اپنے ضبط پہ ناز تھا سرِ بزم رات یہ کیا ہوا

مجھے اپنے ضبط پہ ناز تھا سرِ بزم رات یہ کیا ہوا

مری آنکھ کیسے چھلک گئی مجھے رنج ہے یہ برا ہوا

مری زندگی کے چراغ کا یہ مزاج کوئی نیا نہیں

ابھی روشنی ابھی تیرگی، نہ جلا ہوا نہ بجھا ہوا

مجھے جو بھی دشمنِ جاں ملا وہی پختہ کارِ جفا ملا

نہ کسی کی ضرب غلط پڑی، نہ کسی کا تیر خطا ہوا

مجھے آپ کیوں نہ سمجھ سکے کبھی اپنے دل سے بھی پوچھئے

مری داستانِ حیات کا تو ورق ورق ہے کھلا ہو

جو نظر بچا کے گزر گئے مرے سامنے سے ابھی ابھی

یہ مرے ہی شہر کے لوگ تھے مرے گھر سے گھر ہے ملا ہوا

ہمیں اس کا کوئی بھی حق نہیں کہ شریکِ بزمِ خلوص ہوں

نہ ہمارے پاس نقاب ہے نہ کچھ آستیں میں چھپا ہوا

مرے ایک گوشہ فکر میں، میری زندگی سے عزیز تر

مرا ایک ایسا بھی دوست ہے جو کبھی ملا نہ جدا ہوا

مجھے ایک گلی میں پڑا ہوا کسی بدنصیب کا خط ملا

کہیں خونِ دل سے لکھا ہوا، کہیں آنسوؤں سے مٹاہوا

مجھے ہم سفر بھی ملا کوئی تو شکستہ حال مری طرح

کئی منزلوں کو تھکا ہوا، کہیں راستے میں لٹا ہوا

ہمیں اپنے گھر سے چلے ہوئے سرِ راہ عمر گزر گئی

کوئی جستجو کا صلہ ملا، نہ سفر کا حق ہی ادا ہوا

Read More»

Sad Poetry

محبت کا بھرم

محبت کا بھرم ہوتا تو پھر کچھ سوچ کر جاتے

ورنہ زندگی بن کے میرے ہمدم گزر جاتے

تھکے ہارے پرندوں کو جو دیکھا تو خیال آیا

کوئی جو منتظر ہوتا تو ہم بھی اپنے گھر جاتے

میں کھا کر درد کی ٹھوکر ابھی تک حوصلہ مند ہوں

یہ ٹھوکر جو تمہیں لگتی تو تم خود بھی بکھر جاتے

اس تنہائی کا ہم پہ بڑا احسان ہے محسن

نہ دیتی ساتھ یہ اپنا، تو جانے ہم کدھر جاتے

Read More»